Linjat nasolabiale janë një ndër trajtimet e preferuara. Quhen ndryshe dhe vijat e buzëqeshjes dhe bëhen të dukshme që pas të 25-tave sidomos në fytyrat e imëta.

Gjatë një konsulte para procedure me doktoreshën vendoset:

• lloji i fillerit dermal i cili do të përdoret
• sasia e duhur e fillerit
• teknika e duhur
• cilat janë pritshmëritë e pacientit
• pas sa kohësh duhet të rikthehet pacienti

Cdo pacient duhet të zgjedhë me kujdes mjekun si dhe klinikën ku do të kryejë procedurën, pasi një okluzion i arteries që kalon pranë flegrave të hundës, mund të cojë deri në verbim të pacientit.

Pasi doktoresha ka kryer procedurën, këshillohet një masazhin i lehtë i zonës ku është injektuar acidi hialuronik dhe pacienti mund të vazhdojë rutinën e tij të zakonshme ditore.

Rikontrolli kryhet sipas datës së paracaktuar në konsultën me doktoreshën dhe varion nga 2 javë deri në 3 muaj.