Rënia e flokut shkaktohet nga një sërë faktorësh:

• Mosha
• Faktorë stresantë
• Periudha Pas Lindjes
• Kujdesi jo i duhur ( përdorimi i produkteve jo të duhura)
• Floku i mbajtur kapur për shumë kohë
• Imbalancë hormonale
• Infeksione Skalpi
• Patologji të tiroides
• Mungesa e : biotinës, hekurit, zinkut

Asnjë trajtim nuk nis pa kryer fillimisht :

konsultë të detajuar me doktoreshën

bilanc analizash si : gjak komplet, FT3, FT4, TSH, Ferritinemi, Vitamine D, titër ASLO etj.

Më pas, doktoresha lexon rezultatet e analizave dhe lëshon një recetë në rast anemie, apo mungese vitamine D, ose ju referon në endokrinolog në imbalanca hormonale.

Pasi ju merrni kurën e duhur, ju kaloni në trajtimin lokal të rënies së flokut, i cili kryhet me anë të injektimit të:

• Mesoterapi kundra rënies së flokut
• Biotinës
• Plazma / PRP

PRP ( Platelet Rich Plasma )

Platelet Rich Plasma – ose plazma e pasur me platele/trombocite është e përbërë nga dy elementë: plazma – ose porcioni likuid i gjakur dhe platelet- një qelizë e cila luan një rol kyc në shërimin e plagëve në të gjithë organizmin. Platelet ose trombocitet janë të njohura për aftësinë e tyre për të koaguluar, por gjithashtu ato përmbajnë faktorë rritjeje. Faktorët e rritjes stimulojnë rigjenerimin e indit ose shërimin në zonën e trajtimit. PRP pra është gjak, i cili përmban më shumë Platele / Trombocite se normalisht.

Faktorët e rritjes ndihmojnë në stimulimin e aktivitetit të folikulave të flokut duke sjellë kështu rritjen e flokut.

Në fakt, PRP janë përdorur dhe më parë për të trajtuar patologji si Artriti Rheumatoid apo për plakjen e lëkurës.

Efikasiteti i perdorimit te PRP është vërtetuar nga studime të shumta sipas të cilave:

• Shtohet sasia e flokut
• Rigjeneron flokun e dëmtuar dhe atë të hollë
• Përshpejton rritjen e flokut (përshpejtohen fazat e rritjes së qimes)

Si kryhet procedura e PRP?

• Merret një sasi e vogël gjaku nga venat tuaja
• Gjaku vendoset ne tuba dhe më pas në centrifugë
• Centrifugimi ndan qelizat e kuqe nga plazma
• Merret plazma nga tubat dhe injektohet në zonat e targetuara nga mjeku

I gjithë procesi zgjat afërsisht 1 orë dhe pas trajtimit PRP ju mund t’i riktheheni normalisht aktiviteteve tuaja.